તાણાવાણા (ગઝલ વિવેચન) - શ્રી હેમંત ધોરડા પ્રથમ આવૃત્તિ 2006; વિક્રેતા - શુભમ પ્રકાશન આપણે ત્યાં ગઝલના સ્વરૂપ વિશે ઘણા ખોટા ખ્યાલો પ્રવર્તે છે. ખોટી માન્યતાઓ પ્રચલિત છે. જાણીતા અને સક્ષમ ગઝલકાર શ્રી હેમંત ધોરડાએ આ પુસ્તકમાં ગઝલ વિવેચનના માપદંડ પ્રસ્થાપિત કર્યા છે. ગુજરાતી ગઝલના વિવેચનને અરબી, ફારસી, ઉર્દૂ ગઝલના ભારમાંથી મુક્ત કરીને તેને ગુજરાતીતા અર્પી છે. તદુપરાંત તેમણે ચિનુ મોદી, રાજેન્દ્ર શુક્લ અને શોભિત દેસાઈ જેવા જાણીતા ગઝલકારોના ગઝલસંગ્રહોની વિવેચના પણ કરી છે. તેમજ મરીઝ નાટક વિશે અભ્યાસલેખ પણ આપ્યો છે. ગઝલના સર્જકો અને ભાવકોને, ગઝલપ્રેમીઓને રસ પડે તેવું પુસ્તક.
