યાયાવર (નવલકથા - થ્રીલર) - વિમલ ભાનુપ્રસાદ ઉપાધ્યાય પ્રથમ આવૃત્તિ – 2012; વિક્રેતા - શુભમ પ્રકાશન લેખક વિમલ ઉપાધ્યાય જાણીતા અભિનેતા છે. એક ફિલ્મના પ્રોડક્શન સાથે જોડાયેલા હતા, ત્યારે શૂટિંગ માટે એકાદ માસ મછવા બેટ પર રોકાવાનું થયેલું. એ સ્થળનો જાતઅનુભવ આ નવલકથાના પરિવેશના વર્ણનમાં ડોકાય છે. નવલકથા થ્રીલર હોવા છતાં તેમાં માનવીય ભાવો અને લાગણીઓ ભારોભાર અનુભવાય છે. વાતાવરણનું અધિકૃત વર્ણન એ સ્થળને આબેહૂબ નજર સમક્ષ ખડું કરી દે છે. કલ્પના અને વાસ્તવિકતાનું સુભગ મિશ્રણ. લેખકની વર્ણનશક્તિ તેમની પાસેથી વધુ નવલકથાઓની અપેક્ષા જગાવે છે. થ્રીલર નવલકથાઓમાં અલગ તરી આવતું પુસ્તક. મહારાષ્ટ્ર રાજ્ય ગુજરાતી સાહિત્ય અકાદમીએ આ નવલકથાને એવોર્ડથી નવાજી છે.
