"शक्ती उपासनेची एक समृद्ध परंपरा भारतवर्षाला लाभलेली आहे. अगदी प्राचीन, मध्ययुगीन आणि आधुनिक काळातही श्रीदेवीच्या नितांत सुंदर स्तोत्रांची रचना आपल्याला आढळते. सुप्रसिद्ध प्रवचनकार ह.भ.प. डॉ. चंद्रहास शास्त्री सोनपेठकर यांच्या घराण्याला श्रीदेवीभक्तीची थोर परंपरा लाभली आहे. डॉ. शास्त्रीजींनी संकलित आणि अनुवादित केलेल्या नित्यपाठासाठी (मराठी अर्थासह) श्रीदेवीस्तोत्रे हे पुस्तक नवरात्री उत्सवाच्या मंगल समयी प्रकाशित केल्याने आम्हाला एका आध्यात्मिक आनंदाची अनुभूती होत आहे.
