આપણાં રોજિંદા જીવનને ભોળપણથી બાળકો હળવાશ આપતાં હોય છે. ભલે પછી તેના તોફાન હોય કે સહજતા, કોઈ ને કોઈ કારણે તે ઘરને જીવંત તથા આનંદમય રાખતાં હોય છે. છતાં આપણે તેનાં મનમાં ઊઠતાં કૌતુકને ‘તને ખબર ના પડે’ કહીને દબાવી જ દેતાં હોઈએ છીએ. ‘બાળ યોગી’ દ્વારા આ માનસને પ્રોત્સાહન આપવાનો પ્રયત્ન કરવામાં આવ્યો છે. પુસ્તકનું આ નામ તેથી જ રાખવામાં આવ્યું છે કે ઘણીવાર જે નિર્ણય વયસ્ક તથા પ્રૌઢમાનસ ન લઈ શકે, તે બાળકનું મન સહજતાથી લઈ શકે છે. એ વાતને સૌ સ્વીકારે પણ છે. જરૂર છે બાળમનને યોગ્ય દિશાનિર્દેશની. અહીં વર્તમાન અને ભૂતકાળને ધ્યાનમાં રાખીને કાવ્યોની રચના કરવામાં આવી છે. આશા છે આપને આ પુસ્તક પસંદ આવશે.
