कवयित्रीच्या प्रत्येक चारोळीतून निसर्गाच्या सर्व अंगांचे वर्णन आपणाला वाचावयास मिळते. सूर्य मग तो सकाळचा सोनेरी पिवळा असो की दुपारचा तप्त असो, त्यांच्या चारोळ्यांमधून सृष्टीतील हरेक घटकाचे सुंदर वर्णन वाचताना आपणाला मन:शांती होत असते. त्यांच्या चारोळी मधून निसर्गाचे, ऋतुंचे, चंद्र, सूर्य, तारे, वृक्षवेली, पशु पाखरे या सर्व चराचरांतील अंगांचे वर्णन वाचताना आपण त्याच्या त्या चारोळ्यांमध्ये रममाण होऊन जातो.