Jojo Rabbit

Jyotindra Mehta 02 March 2023 7.5

ન્યુઝીલેન્ડમાં જન્મેલા તાઈકા વૈતીતીનું મૂળ નામ તાઈકા કોહેન છે. આ અગાઉ તેઓ એકેડમી એવોર્ડ, બાફ્ટા એવોર્ડ અને ગ્રેમી એવોર્ડ પોતાની બનાવેલી શોર્ટ ફિલ્મો માટે જીતી ચુક્યા છે. તે પોતે સારા એક્ટર અને સ્ક્રીન રાઈટર પણ છે. આ અગાઉ તેઓ માર્વેલની થોર રેગ્નારોકમાં પણ પોતાના ડાયરેકશનની કમાલ દેખાડી ચુક્યા છે. આ ફિલ્મનો આધાર ક્રિસ્ટીન લુનન્સની નવલકથા ‘કેજીંગ સ્કાઈઝ’ છે. જોજો રેબિટ એ નાઝીઓ ઉપર કટાક્ષ કરતી કોમેડી ફિલ્મ છે. આ ફિલ્મે ૨૦૨૦ ના ઓસ્કાર એવોર્ડમાં છ નોમીનેશન મેળવ્યાં હતાં અને તેમાંથી બેસ્ટ એડોપ્ટેડ સ્ક્રીનપ્લેનો એવોર્ડ પણ મેળવ્યો હતો. વાર્તા બીજા વિશ્વયુદ્ધના સમયની છે, પણ ક્યાંય નરસંહાર કે યુદ્ધનાં બિનજરૂરી દ્રશ્યો નથી લીધાં. જૂનાં સમયનાં મકાનો, સુંદર બગીચા અને જંગલનાં દ્રશ્યો આંખને ઠારે એવી રીતે ફિલ્માવ્યાં છે. ફિલ્મનો નાયક દસ વર્ષનો જર્મન બાળક જોજો છે જે હિટલરના પ્રચાર કે અપપ્રચારથી વશીભૂત છે. મોટો થઈને તે હિટલરનો અંગરક્ષક બનવા માગે છે. તે હંમેશાં કાલ્પનિક હિટલર સાથે વાતો કરતો રહે છે, જે તેના બાળમસ્તિષ્કની ઉપજ છે. તેને પાનો ચડાવતો અને ક્યારેક બુદ્ધુની જેમ વર્તતો કાલ્પનિક હિટલર જોવો ગમે એવી છે અને તે હિટલરનો રોલ ખુદ તાઈકા વૈતીતીએ ભજવ્યો છે. શરૂઆતમાં જ બાળકોના ટ્રેનીંગ કેમ્પનું દ્રશ્ય છે, જેમાં જોજોને એક સસલું મારવા માટે આપવામાં આવે છે, પણ ફક્ત ક્રૂર બનવાનાં સપનાં જોતો જોજો ખરેખર કોમલ હૃદયનો છે, જે જેમ જેમ ફિલ્મ આગળ વધે તેમ બહાર આવતું જાય છે. ફિલ્મનો પ્રવાહ નદીની એકદમ શાંત અને સરળ છે. જયારે તે સસલાને મારી નથી શકતો ત્યારે તેનો કાલ્પનિક મિત્ર હિટલર તેને કહે છે કે સસલું કાયર નથી હોતું, તે રોજ ઘણા કષ્ટોનો સામનો કરે છે અને પોતાના માટે ગાજર શોધે છે. તેનો અસલ જીવનમાં પણ એક દોસ્ત છે, યોરકી જે મોટા માણસોની જેમ વાતો કરે છે. જોજોની માતાનો રોલ બ્લેક વિડો ફેમ સ્કારલેટ જ્હોન્સને કર્યો છે. તેને ઓસ્કારમાં બેસ્ટ સહકલાકાર માટે નોમીનેશન મળ્યું હતું. તેણે પોતાનો સિંગલ પેરેન્ટ તરીકેનો આ રોલ બખૂબીથી નિભાવ્યો છે. તે હંમેશાં પોતાના દીકરાને શિખામણ આપતી રહે છે કે તે દસ વર્ષનો છે અને તેણે બાળકની જેમ રહેવું જોઈએ, તેણે રાજકારણ અને યુદ્ધની વાતો ન કરવી જોઈએ. જોજોના જીવનમાં ટ્વીસ્ટ ત્યારે આવે છે, જયારે એક યહૂદી છોકરી તેના ઘરના ભંડાકીયામાં છુપાયેલી મળે છે. આગળ શું થાય છે તે જોવા માટે ફિલ્મ જોવી રહી છે. એક્ટિંગના મામલે દસ વર્ષના રોમન ગ્રીફીન ડેવિસે સંપૂર્ણ ફિલ્મને પોતાના ખભા ઉપર ઉપાડી લીધી છે. તેની આ પહેલી ફિલ્મ છે, પણ તે ક્યાંય કાચો નથી પડતો. તેની માતા કેમિલી ગ્રીફીન અને ડાયરેકટર છે અને પિતા બેન ડેવિસ સિનેમેટોગ્રાફર છે. તેના જોડિયા ભાઈઓ પણ આ ફિલ્મમાં નાના રોલમાં છે. નાઝીઓએ યહૂદીઓ પર કરેલા અત્યાચાર ઉપર સરસ રીતે બનેલી વ્યંગ્ય ફિલ્મ છે.

ન્યુઝીલેન્ડમાં જન્મેલા તાઈકા વૈતીતીનું મૂળ નામ તાઈકા કોહેન છે. આ અગાઉ તેઓ એકેડમી એવોર્ડ, બાફ્ટા એવોર્ડ અને ગ્રેમી એવોર્ડ પોતાની બનાવેલી શોર્ટ ફિલ્મો માટે જીતી ચુક્યા છે. તે પોતે સારા એક્ટર અને સ્ક્રીન રાઈટર પણ છે. આ અગાઉ તેઓ...Read more

Sparsh Hardik 24 February 2023 10.0

over the top satire on the tragedies of world war. fantacy is superbly blend with harsh reality of war.

over the top satire on the tragedies of world war. fantacy is superbly blend with harsh reality of...Read more