Belfast

Sparsh Hardik 21 May 2022 10.0

કેનિથ બ્રાનાનું ડિરેક્શન લાજવાબ! ક્લાસિક એવી ‘સિટીઝન કેન’, અત્યંત પ્રિય એવી ‘સિનેમા પેરૅડિસો’ અને હાલની જ ‘જૉજૉ રેબિટ’ની સ્મૃતિ તાજી કરાવી દેતી ‘બેલફાસ્ટ’ આંખોને એકેએક ફ્રેમમાં જકડી રાખે છે, વારંવાર પૉઝ કરીને સારી ડૅપ્થ ઑફ ફિલ્ડ, ડિટેલિંગ ધરાવતી, ક્યારેક બેચેન કરી દેતા એંગલથી ઝીલાયેલી બ્લૅક ઍન્ડ વાઇટ ફોટોગ્રાફી માણવાની લાલચ જગાવે છે. ‘બેલફાસ્ટ’ કેનિથ બ્રાનાએ ડિરેક્ટ કરેલી બાકીની તમામ ફિલ્મો પણ જોઈ નાખવાની લાલચ જગાવે છે! ‘મર્ડર ઑન ધી ઑરિએન્ટ એક્સપ્રેસ’નો ક્લાયમેક્સ હજુ યાદ છે, જેમાં કેનિથ મોનોલોગથી ફ્રેમને સબળી બનાવે છે, પોતાની શૉમેનશિપ સાથે એ દૃશ્ય રંગમંચનું કોઈ મહાન દૃશ્ય હોય એવા પ્રભાવ સાથે ભજવે છે. ‘બેલફાસ્ટ’માં આ જ શૉમેનશિપ કેનિથે ઇતિહાસનો એક ખંડ સ્મૃતિના પટારામાંથી બહાર કાઢીને તદ્દન વાસ્તવિક લાગે એ રીતે રજૂ કરવામાં વાપરી છે. કથા કેનિથ બ્રાનાની અંગત છે, પણ એની સાથે જોડાયેલું ભાવજગત સૌનું છે. ફિલ્મ આકાર લે છે ૧૯૬૯ના નૉર્થ આયર્લૅન્ડમાં, જ્યાં બે ધાર્મિક જૂથ વચ્ચે હિંસક અથડામણથી બેલફાસ્ટના એક વિસ્તારમાં તણાવ વધી જાય છે. કથા ત્યાં રહેતા એક પરિવારના બડિ નામક નવ વર્ષના છોકરા આસપાસ ફરે છે. વિવિધ કારણોથી પોતાનું મૂળ છોડી અન્યત્ર સ્થળાંતર કરી જતા લોકોની વેદના કથાના હાર્દમાં પડેલી જણાય છે. જોકે, ફિલ્મ મનને વિષાદથી ગ્રસિત નથી કરતી, પણ એકદમ હળવી અને મનોરંજક ક્ષણોમાંથી પસાર થતી રહે છે.

કેનિથ બ્રાનાનું ડિરેક્શન લાજવાબ! ક્લાસિક એવી ‘સિટીઝન કેન’, અત્યંત પ્રિય એવી ‘સિનેમા પેરૅડિસો’ અને હાલની જ ‘જૉજૉ રેબિટ’ની સ્મૃતિ તાજી કરાવી દેતી ‘બેલફાસ્ટ’ આંખોને એકેએક ફ્રેમમાં જકડી રાખે છે, વારંવાર પૉઝ કરીને સારી ડૅપ્થ ઑફ...Read more