આ મનુષ્ય જીવનમાં સંબંધોને કેમ સાચવવા, આ જીવન જરૂરિયાતની સગવડોથી અંજાઈ ન જવું, બાળકોથી લઇ દરેક પેઢીને સમજવા અને મનુષ્ય જીવનમાં ઉતારવા જેવી બાબતો અને રોજબરોજના જીવનમાં બનતી ઘટનાઓનું ખૂબ જ બારીકાઈથી અવલોકન કરી લખાયેલા લેખ આ પુસ્તકમાં સમાવ્યા છે. સમયની સાથે સંબંધોની કિંમત સમજાવતા લેખો મનુષ્યને ઉમદા જીવન જીવવા માટેની પ્રેરણા પૂરી પાડે છે. આ સાથે રોજબરોજની જિંદગીમાં બનતી ઘટનાઓ અને તેની પાછળ રહેલા કારણો પણ ખૂબ સારી રીતે સમજાવ્યા છે. વ્યસન, ટેક્નોલોજી પાછળ માનવજીવનની આંધળી દોડથી થતા લાભ અને ગેરલાભનું ખૂબ જ સુંદર રીતે વર્ણન કરેલ છે. દરેક પેઢીને ઉપયોગી થઈ પડે તેવા લેખોના આ પુસ્તક માટે તમને ખૂબ ખૂબ અભિનંદન અને શુભેચ્છાઓ.