નવલકથાનો નાયક મોસાદનો જાસૂસ છે જેને પશ્ચિમ જર્મનીની જેલની મુલાકાત દરમ્યાન એક ષડ્યંત્ર ધ્યાનમાં આવે છે અને આ વિષે સરકારને માહિતગાર કરે છે. પાડોશી દેશો સાથે યુદ્ધ કરી રહેલ અને થોડા સમય પહેલાં જ દેશ તરીકે માન્યતા પ્રાપ્ત કરેલ ઇઝરાયેલની સરકાર ભાગી ગયેલ નાઝી ઓફિસરને પકડીને પાછો લાવવો કે ત્યાં જ મારી નાખવો એ બે અંતિમોમાં ફસાય છે.
અંતે તે ઓફિસરનું ડેથ વોરંટ બહાર પાડવામાં આવે છે અને તેની જવાબદારી નાયકને સોંપાય છે.
સાધારણ રીતે જેમ્સ બોન્ડને જાસૂસી ફિલ્મોમાં બતાવાય તેમ કોઈ જાસૂસ કામ નથી કરતો. કોઈ પણ યોજના વગર જાસૂસ દુશ્મનો ઉપર નથી ત્રાટકતો. હંમેશાં સંપૂર્ણ તૈયારી અને યોજના પછી જ તે હુમલો કરતો હોય છે અને બોન્ડની જેમ એકલપંડે પણ કામ નથી કરતો.
મેં નવલકથાના મિશનને હકીકત ઉપર રહીને આલેખવાનો પ્રયાસ કર્યો છે, આશા છે આ નવલકથા આપની પસંદ ઉપર ખરી ઉતરશે.
