Saajan ki Saheli

Jyotindra Mehta 04 July 2022 8.0

નવલકથા : સાજન કી સહેલી લેખક : ગિરીશ મેઘાણી          પ્રણયત્રિકોણ એ લેખકો અને ફિલ્મ નિર્દેશકો માટે હંમેશાં રસનો વિષય રહ્યો છે. પ્રણય ત્રિકોણની હજારો કથાઓ લખાઈ છે અને સેંકડો ફિલ્મો બની છે. આસાન લાગતો‌ આ વિષય બહુ અઘરો છે. જે વિષયમાં વધુ ખેડાણ થયું હોય ત્યારે તેમાં પોતાની છાપ છોડવી એ બહુ દુષ્કર કાર્ય છે જેમાં ગિરીશભાઈ સફળ થયા છે.           તે પાત્રોના મનોવ્યાપારને સારી રીતે દર્શાવી શક્યા છે. જ્યારે કોઈ વ્યક્તિ અમુક પ્રકારનું વર્તન કરતી હોય છે ત્યારે તેના મનની અંદર અનેક પ્રકારના વિચારો અને દ્વંદ્વ ચાલતું હોય છે અને તે બધા જ વિચારો સપાટી પર લાવીને વાચકો સુધી પહોંચાડવાની કરામત લેખક કરી શક્યા છે એ માટે એમનું અભિનંદન. કથાનો વ્યાપ વિસ્તૃત ન હોવાં છતાં તેના ઉપર બહુ પ્રભાવશાળી કામ કર્યું છે.       આ નવલકથાનાં ત્રણ મુખ્ય પાત્રો છે. કરુણા, કેવલ અને કામિની. આ વાર્તા ત્રણેના આજુબાજુ ફરે છે અને આકાર લે છે. કરુણા અને કામિની મધ્યમવર્ગીય છે અને સાથે જ ઉછરી છે. તેમની વચ્ચે અતૂટ મૈત્રી છે. કામિની સુંદરતાની મુરત છે તો સામે કરુણા પણ લાવણ્યમય સૌંદર્ય છે. તે બંનેએ નક્કી કર્યું છે કે નોકરી કરશે તો સાથે જ નહીં તો તે કંપનીમાં નોકરી નહીં કરે.        ઘણા ઈન્ટરવ્યુ આપ્યા પછી તેમને એક કંપનીમાં નોકરી મળી જાય છે જેનો માલિક કેવલ છે જે મદનના અવતાર સમો આકર્ષક છે. ધીમે ધીમે તે બંને પોતાની રીતે કંપનીમાં આગળ વધે છે અને બંને કેવલ તરફ આકર્ષાય છે. કેવલ પણ અસમંજસમાં છે કે તે બંનેમાંથી કોને પસંદ કરવી. કામિની સુંદર છે તો કરુણા બુદ્ધિશાળી.        આજ સુધી બંનેમાં થયેલી સ્પર્ધાનો સુખદ અંત આવ્યો હતો પણ શું આ સ્પર્ધા તે બંને વચ્ચેની મિત્રતા ખતમ કરી દેશે? કોણ બનશે સાજનની સજની? કોણ છે સાજનની સહેલી? શું બંનેમાંથી કોઈ એક મૈત્રી ખાતર પ્રેમનું બલિદાન આપશે? કે પછી થશે ગળાકાપ સ્પર્ધા જેમાં ચાલશે કાવાદાવા જે મૈત્રીનો અંત લાવી દેશે? શું કેવલ એક સીધોસાદો વ્યક્તિ છે કે છલપુરૂષ છે? જાણવા માટે આ નવલકથા વાંચવી રહી.       હકારાત્મક બાજુ : લેખક દરેક પાત્રના મનના ઊંડાણને સ્પર્શી શક્યા છે. સમય સમય ઉપર આવતા વળાંકો જે નવલકથાને બોરિંગ થતી બચાવે છે. લેખક ઘણાબધા પ્રલોભનોથી બચ્યા જેનાથી આ સ્વચ્છ નવલકથા બની રહી.        નકારાત્મક બાજુ : જ્યારે એપિસોડિક નવલકથા ઈ સ્વરૂપે પ્રગટ થતી હોય ત્યારે ભાગના અંતમાં આવતો લેખકનો મોનોલોગ યોગ્ય લાગે, બાકી જ્યારે નવલકથા પુસ્તક સ્વરૂપે પ્રગટ થાય ત્યારે તે મોનોલોગ ફક્ત જગ્યા રોકનારો બની રહે છે. ઘણી જગ્યાએ પાત્રને બદલે લેખકનું મનોમંથન લખાયું હોય એવો આભાસ ઉભો થાય છે. સૌથી મોટો નકારાત્મક મુદ્દો હોય તો વાચકના હોશ ઉડાવી દે એવી ચાલબાજીનો અભાવ. પાત્રોની અમુક હરકતો તો સાવ બાલિશ લાગે છે. એકતા કપૂરની મદદ લેવી જોઈતી હતી. મુખ્ય પાત્રો ઉપર જ ફોકસ રહેવાને લીધો અન્ય પાત્રો ઊભડક લાગે છે. બે ત્રણ‌ પાત્રોની હજી વિકસાવવાની જરૂર હતી.   ત્રીજા ભાગથી સ્પીડ પકડતી નવલકથા અંત સુધી જકડી રાખે છે. જેને સ્ટારપ્લસની સિરિયલો ગમતી હોય તેમના માટે સારૂં વાંચન પુરુ પાડશે.

નવલકથા : સાજન કી સહેલી લેખક : ગિરીશ મેઘાણી          પ્રણયત્રિકોણ એ લેખકો અને ફિલ્મ નિર્દેશકો માટે હંમેશાં રસનો વિષય રહ્યો છે. પ્રણય ત્રિકોણની હજારો કથાઓ લખાઈ છે અને સેંકડો ફિલ્મો બની છે. આસાન લાગતો‌ આ વિષય બહુ અઘરો છે. જે વિષયમાં વધુ...Read more